Ka shumë mite që qarkullojnë rreth yllit të popit, Michael Jakcson. “The Washington Post” rendit pesë më të diskutuarat:
Babai i Michael, abuzoi seksualisht me të kur ishte fëmijë
Michael është akuzuar në mënyrë të përsëritur, për sjellje abuzive seksuale me fëmijët. A ishte e mundur, që ai të ishte duke përsëritur një cikël të ri abuzimesh, të cilat i kishte vuajtur vetë? J.Rendi Taraborreli, shkruan në bestsellerin e saj të vitit 1991, “Majkëll Xhekson,magji dhe çmenduri”, se zërat mbi abuzimin seksual të babait të tij, Zhozef Xhekson, ndaj të birit, qarkullonin prej vitesh në industrinë e muzikës.
Po atë vit, motra e Mjkëllit, La Toja Xhekson shkroi një libër me kujtime “Si është të rritesh në familjen Xhekson”, ku akuzon të atin për abuzim seksual me të, dhe motrën Rebbi. Më vonë, ajo i hodhi poshtë këto pretendime, dhe askush në familjen Xhekson, nuk konfirmoi asnjë nga këto thashetheme.
Mbreti i Popit, e pranonte hapur dhunën fizike që kishte përjetuar nga i ati. Ai qau gjatë një interviste të vitit 1993 me Oprah Winfrey, teksa akuzoi babanë e tij për abuzim fizik me rripa, shkopa bejzbolli dhe cigare të fikura në lëkurë. Michael pati shumë herë mundësinë ta fajësonte të atin për abuzime seksuale ndaj tij, por nuk e bëri kurrë këtë. Dhe nuk ka dëshmi të njohura, për ta mbështetur këtë pretendim.
Michael Jacksion ishte homoseksual
Këngëtari këmbëngulte, se nuk ishte homoseksual, por disa gazetarë dhe biografë sugjerojnë se ai nuk ishte shumë i sinqertë në këtë pretendim.
Ian Halperin, autor i librit të vitit 2009 “I demaskuar:Vitet e fundit të Majkëll Xhekson”, pretendon se Xhekson ishte homoseksual. Taraboreli sugjeron se ai kishte një mik romantik, të cilin e mbulonte me dhurata, por dhe e keqtrajtonte vazhdimisht.
Ish gruaja e Jackson, Liza Mari Presli, tha se jeta seksuale e çiftit ishte “shumë e nxehtë”. Po ashtu edhe gratë e tjera, kanë treguar marrëdhëniet romantike me të, duke përfshirë Ola Rej, ylli i videklipit “Thriller”.
Michael Jackson donte të ishte i bardhë
Në vitin 1987, pasi albumi “Thriller” e bëri Xheksonin yllin më të madh të muzikës në botë, ai nxorri më pas albumin “Bad”, me disa hite në paradë-listat muzikore. Por lëkura e tij dukej më e bardhë, se sa në videoklipin “Thriller”. Shumë fansa supozojnë se ai synonte te kishte sukses edhe tek audienca e bardhë.
Greg Tejt, një kritik afro-amerikan, e quajti Xheksonin “një tjetër zezak që ishte çmendur, për shkak se pasqyra e tij, i thotë se fytyra nuk përputhet me idealin nordik”.
Por Xhekson këmbëngulte për të kundërtën, dhe nuk ka pasur kurrë prova për ta kundërshtuar këtë. Ai tha në një intervistë në vitin 1993, se e zbardhi lëkurën me anë të kremrave, për shkak të vitiligos, një sëmundje që i shkaktoi njolla të shumta në fytyë, dhe kjo u verifikua edhe nga autopsia pas vdekjes së tij në qershorin e vitit 2009.
Xhekson shtoi:”Unë jam një amerikan me ngjyrë, jam krenar për këtë dhe racën time”.
Nuk e krijoi ai kërcimin e famshëm “moonwalk”
Jackson performoi me këtë lloj kërcënimi, gjatë interpretimit të hitit të tij “Billie Jean” në vitin 1983. A ishte ajo lëvizje, akti i një artisti gjenial? Motra e tij, La Toja, tha në vitin 2004 se këtë lëvizje ia mësoi një kërcimtar profesionist, me emrin Xhefri.
Ajo i referohej në fakt Xhefri Daniel, Kasper Kendidejt dhe Kullej Xhekson, të cilët e kishin shfaqur lëvizjen gjatë një kërcënimi të quajtur boogaloo. Më vonë, Xhefri u ankua se Mbreti i Popit ia vodhi autoresinë e asaj lëvizje.
Në fakt, në librin me kujtime të vitit 1988 “Moonwalk”, Jackson përmend “3 djem”, që i mësuan atij bazat e kërcimit në rrugë. Por ai pati një vizion krejtësisht të ri për këtë lëvizje:
”Unë eci para-mbrapa në të njëjtën kohë, si të ecja mbi Hënë”-shkroi ai.
Vdiq pa hundën e tij
Pas vdekjes së Xheksonit, një artikull në “Rolling Stone” shkruante:”Trupit i mungonte proteza, që e vendoste normalisht mbi majën e hundës së tij të dëmtuar”. Por një ekspert në Los Anxheles, Ed Uinter, tha se zërat mbi mungesën e hundës ishin “absolutisht të paverteta./Opinion.al
