Kryesore

Misioni i vëzhgimit të BE-së: Zgjedhjet në Kosovë, një demokraci e vërtetë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:53 - 19/10/21 |
Opi Nion

Zgjedhjet vendore të 17 tetorit në Kosovë, në përgjithësi janë vlerësuar pozitivisht nga Misioni Vëzhgues i Bashkimit Evropian.

Shefi i këtij misioni, Lukas Mandl, ka thënë se zgjedhjet vendore kanë qenë të planifikuara mirë dhe janë respektuar të drejtat themelore. Ai tha se BE ka vizituar gati 400 qendra të votimit.

“Procesi zgjedhor është ende në vazhdim e sipër dhe procesi i numërimit është duke vazhduar ende. Prandaj, konkluzionet tona janë paraprake. Zgjedhjet e 17 tetorit kanë qenë të organizuara mirë, për fat të keq gratë kanë qenë të nënpërfaqësuar. Mediat kanë kontribuar për t’i informuar votuesit. Administrimi transparent i zgjedhjeve ka bërë që procedurat të kryhen brenda afateve zgjedhore. Kuadri ligjor ka ofruar një bazë por disa mangësi ende nuk janë trajtuar si duhet. ”, ka thënë Mandl.

Por Mandl ishte kritikues ndaj listës serbe për të cilën tha se ka ndikuar në votën e qytetarëve serbë.

“Lista Serbe ka monopolizuar jetën e serbëve të Kosovës dhe siç kanë treguar disa bashkëbisedues ka pasur kërcënime nga Lista Serbe”, tha ai.

Udhëheqësja e Delegacionit të Anëtarëve të Parlamentit Evropian, Viola von Cramon-Taubadel, ka thënë se Kosova është shembull për rajonin sa i përket demokracisë.

Edhe Cramon theksoi kërcënimet që i kanë bërë lista serbe qytetarëve .

“Demokracia lokale është në themel të demokracisë, vëzhgimi i këtyre zgjedhjeve na ka bërë të kuptojmë. Këto zgjedhje kanë dëshmuar se Kosova është një demokraci e vërtetë. Përkundër konkurrencës zgjedhore, partitë politike, me disa përjashtime, kanë respektuar njëra-tjetrën.

“Dua t’i përgëzoj të gjithë për sjellje të matur”, ka shtuar ajo.

“Sot, Kosova më shumë se kurrë është shembull i demokracisë për rajonin. Por, është për fat të keq që disa mangësi sistematike nuk janë evituar ende. Një nga to është ngushtimi i hapësirës politike për serbët. Lista Serbe ka dominuar dhe nuk u ka lënë hapësirë partive tjera serbe”, ka vazhduar Cameron.

 

 

 

 

 

 

Pas