Zemërimi ndaj ligjit që ndalon abortin është rritur në shumë shtete amerikane, përfshirë Alabamën, ku protestuesit kanë pushtuar rrugët.
Protestat masive po zhvillohen në rreth 50 shtete të Amerikës dhe ndalimi i abortit po kundërshtohet me forcë si një ligj që shkel dhe cënon dinjitetin e gruas dhe të drejtën e saj për të vendosur.
Ndërkaq kanë nisur përpjekje të ndryshme për ta shfuqizuar ligjin, si mbledhja e firmave ose hartimi i një të ashtuquajturi “kundërligj”.
Aktivistët për të drejtat e abortit theksojnë se do vazhdojmë të ngrenë zërin, të tregojnë historitë e tyre dhe të kërkojnë të drejtën kushtetuese për të zgjedhur dhe vendosur.
Nga ana tjetër mbështetësit e ligjit për abortin shprehen se do të luftojnë në mbrojtje të tij. Presidenti Donald Trump tha se e kundërshton abortin me përjashtim të përdhunimit dhe inçestit, ndërsa zv/Presidenti, Mike Pence u shpreh se shpreson që një ditë të shikojë rikthimin e shenjtërisë së jetës në qendër të ligjeve amerikane, duke u pozicionuar kështu pro ligjit. /Opinion.al
