Kryesore

Meteorologia: Gushti do vijojë i nxehtë, në diell ndjehen 6 gradë më shumë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:53 - 14/08/21 |
Opi Nion

Muaji gusht do të vijojë me temperatura të larta, veçanërisht në 10 ditëshin e tij të fundit. Kështu është shprehur meteorologia Lajda Porja nga Meteoalb, ndërsa tha se ky muaj ka qenë i nxehtë dhe deri më tani asnjë ditë nuk ka regjistruar vlerat tipike të gushtit.

Porja tha se javën e ardhshme pritet një rënie e lehtë në vlerat maksimale që do të arrijnë në 35-36 gradë , ndërsa në vijim gushti  do të jetë me temperatura deri në 39 graadë Celsius.

“Pritet një rënie të lehtë temperaturash javën e ardh në 35-36 gradë Celsius. Ajo çka do jetë tipike në muajin gusht janë temperaturat e larta, sidomos në 10 ditëshin e fundit me vlera 38-39 gradë”, tha meteorologia ndërsa shtoi se këto vlera parashikohen në hije, ndërkohë që në diell ndjehen edhe 6 gradë më shumë.

Porja tha në një interviste në News 24, se nuk përjashtohet ndonjë ministuhi, por këto janë të parashikueshme vetëm 24 orë përpara se të ndodhin.

“Era do të jetë e lehtë dhe mesatare. E marta dhe e mërkura sjell një forcim të saj, por nuk presim ndonjë erë të fuqishme”, tha meteorologia./Opinion.al

Pas