Politikë

Meta takon banorët e “5 Majit”, Laprakës dhe Paskuqanit: Do të bëj gjithçka…



Bëhu pjesë e Grupit Zyrtar të Opinion.al
>> KËTU <<
               Publikuar në : 18:24 - 09/02/22 |
Opi Nion

Presidenti Ilir Meta është takuar ditën e sotme me banorë të 5 Majit, Laprakës dhe Paskuqanit, të cilët protestojnë për mënyrën se si po shpronësohen për banesat e tyre që preken nga projekti i ndërtimit.

Meta shprehet se institucionet po tentojnë që në mënyrë arbitrate dhe anti-kushtetuese të shpronësojnë banorët, teksa shton se kërkesat e tyre ndaj Bashkisë së Tiranës janë legjitime.

Presidenti thekson se ka siguruar banorët se do të bëj gjithçka ligjore që institucionet të dëgjojnë kërkesat e banorëve për një shpronësim të drejtë.

 “Prita sot, me kërkesën e tyre, përfaqësues të banorëve protestues të zonave të 5 Majit, Laprakës dhe Paskuqanit në kryeqytet. Më informuan në detaje lidhur me situatën e dhembshme dhe antikushtetuese që po ndodh me shpronësimin arbitrar të banesave dhe pronave të tyre dhe me faktin e mungesës së dialogut dhe dëgjimit të kërkesave të tyre legjitime nga Bashkia e Tiranës dhe institucionet e tjera përgjegjëse. Banorët më deklaruan se janë të hapur ndaj zhvillimit urban dhe përmirësimit të infrastrukturës së Tiranës, por ata nuk mund të braktisen dhe të lejojnë që interesat okulte të shkelin të drejtën e tyre jetike pronësore duke u shkatërruar pronat, pa kontrata dhe garanci të rregullt ligjore. Duke vlerësuar shqetësimet e tyre, i garantova se do të bëj gjithçka që zëri i tyre të dëgjohet me ndjeshmërinë më të madhe njerëzore dhe zyrtare, me të gjithë mbështetjen time të plotë institucionale, për të legjitimuar kërkesat e tyre që meritojnë të marrin përgjigjen e duhur nga organet përkatëse administrative e ligjore. Beteja demokratike për një shoqëri të drejtë dhe moslejimin e kapjes së shtetit ka nevojë për ndërgjegjësimin e opinionit, zbatimin e drejtë të ligjit dhe unifikimin e të gjithë faktorëve të shoqërisë shqiptare që kërkojnë zhvillim e prosperitet”, shkruan Meta në “Facebook”./ Opinion.al

Pas