Kryetari i Partisë së Lirisë, Ilir Meta, me anë të një postimi në “Facebook” ka bërë me dije se është takuar me ambasadoren e Republikës Çeke në Tiranë, Karel Urban.
Meta tha se në këtë takim, konfirmoi vullnetin e Partisë së Lirisë për të kontribuar forcimin e marrëdhënieve mes dy vendeve dhe në veçanti forcimin e bashkëpunimit në procesin e integrimit dhe anëtarësimit në BE të Shqipërisë.
“Kënaqësi të prisja sot në një takim të veçantë Ambasadorin e Republikës Çeke në Tiranë, z. Karel Urban.
Konfirmova vullnetin e Partisë së Lirisë për të kontribuar në forcimin e marrëdhënieve të shkëlqyera mes dy vendeve tona dhe në veçanti për të forcuar bashkëpunimin në procesin e integrimit dhe anëtarësimit në BE të Shqipërisë. Mirëprita gatishmërinë e Çekisë, si vend që ka edhe Presidencën e radhës të Këshillit të Bashkimit Europian, për procesin shumë të rëndësishëm teknik të negociatave për anëtarësim. Shpreha gjithashtu vendosmërinë për të ndërmarrë çdo hap që përshpejton procesin e anëtarësimit të Shqipërisë në BE, përmes reformave të qëndrueshme dhe të besueshme, me prioritet kryesor forcimin e ligjit dhe luftën ndaj krimit dhe korrupsionit”, shkruan Meta./Opinion.al
