Një mesazh ka dhënë në rrjetet sociale ish-Presidenti Ilir Meta. Ai ka konfirmuar sërish se nuk është rikthyer për të marrë drejtimin e LSI, të cilin e la 5 vite më parë kur mori drejtimin e Presidencës.
Meta ka theksuar se Partia e referendumit na pret, duke nënvizuar se referendumi zgjidh çdo problem, nga oligarkët te kapja e shtetit. Sipas tij, referendumi do të jetë “Shpata e Demokleut” mbi të gjithë ata që abuzojnë me besimin e popullit të Shqipërisë dhe mbi Esad mbi Esad Pashët e rinj, që kanë tradhtuar interesin kombëtar dhe i kanë ngulur thika pas shpine Kosovës”.
Mesazhi i Ilir Metës
SOVRANITETI NË SHQIPËRI I PËRKET POPULLIT.
PARTIA E REFERENDUMIT NA PRET!
Drejtimin e LSI e lashë me vullnet të lirë para 5 viteve për arsye të rrethanave, që u krijuan në vend. Nuk u riktheva sot për të rimarrë drejtimin e kësaj partie, por për të sjellë mesazhin e popullit të 2 marsit, pjesë e të cilit ka qenë edhe LSI në ato momenten, si dhe për t’u bashkuar të gjithë së bashku në triumfin e mesazhit të 2 marsit: Sovraniteti në Shqipëri i përket popullit.
Kjo do bëhet e mundur në mënyrë të padiskutueshme.
Partia e referendumit na pret!
Kjo zgjidh çdo problem, nga oligarkët te kapja e shtetit. Referendumi do të jetë “Shpata e Demokleut” mbi të gjithë ata që abuzojnë me besimin e popullit të Shqipërisë dhe mbi Esad Pashët e rinj, që kanë tradhtuar interesin kombëtar dhe i kanë ngulur thika pas shpine Kosovës.
