Presidenti Ilir Meta ka rrëzuar ditën e sotme kërkesën e Ministrisë së Arsimit për shkarkimin e Rektorit të Universitetit të Tiranës, Mynyr Koni.
Meta ka dekretuar vijimin e ushtrimit të detyrës për rektorin Koni. Presidenti e ka argumentuar vendimin e tij duke thënë se pas shqyrtimit të dokumenteve të paraqitura nga ministria e Arsimit, është konstatuar se mund të cënon autonomia e Universitetit.
Sipas tij, kjo kërkesë nuk është bindëse, pasi gjithë problematikat e arsimit i janë faturuar rektorit Koni.
“Presidenti i Republikës, vlerëson se në kushtet aktuale, bazuar në propozimin e bërë, marrja e një vendimi për shkarkimin e Rektorit të Universitetit të Tiranës, do të cenonte rëndë dhe, në tërësi, autonominë e institucioneve të arsimit të lartë dhe lirinë akademike të vendosur dhe të mbrojtur nga Kushtetuta, por dhe nga jurisprudenca e Gjykatës Kushtetuese, pasi ushtrimi i kompetencave kontrolluese nga Ministri i Arsimit në këtë rast për gjithë sa u parashtrua më sipër nuk është kryer në mënyrë objektive, shteruese, proporcionale dhe transparente”, thuhet në njoftimin e Presidencës.
Më herët, ministrja e Arsimit, Besa Shahini, pezulloi nga detyra rektorin Mynyr Koni, duke kërkuar nga presidenti i vendit shkarkimin e tij.
Vendimi
RRËZIMIN E PROPOZIMIT TË MINISTRIT TË ARSIMIT, SPORTIT DHE RINISË PËR SHKARKIMIN NGA DETYRA TË REKTORIT TË UNIVERSITETIT TË TIRANËS, Z.MYNYR KONI
Në mbështetje të neneve 57 pika 7, 92/g, 93, të Kushtetutës, nenit 39, pika 8, 10 të ligjit nr.80/2015 “Përarsimin e lartëdhekërkiminshkencornëinstitucionet e arsimittëlartënëRepublikën e Shqipërisë”, ligjit nr. 44/2015 “KodiiProcedurave Administrative iRepublikëssëShqipërisë”, pasi shqyrtova propozimin e Ministrit të Arsimit, Sportit dhe Rinisë me nr.4158/2 prot., datë 12.04.2019, administruar në Institucionin e Presidentit të Republikës me nr.1169 prot., datë 15.04.2019,
Dekretoj;
Neni 1
Rrëzimin e propozimit nr.4158/2 prot, datë 12.04.2019, të Ministrit të Arsimit, Sportit dhe Rinisë,për shkarkimin nga detyra të Rektorit të Universitetit të Tiranës, z.Mynyr Koni, sipas arsyetimit bashkëlidhur këtij dekreti.
Neni 2
Vijimin e ushtrimit të detyrës nga Rektori i Universitetit të Tiranës, z.Mynyr Koni, sipas Dekretit të Presidentit të Republikës nr.9609, datë 26.05.2016.
Neni 3
Ky dekret hyn në fuqi menjëherë
Nr. Dekreti 11183
Tiranë, më 06.05.2019
PRESIDENTI I REPUBLIKËS/ Opinion.al E.Xh.
