Presidenti Ilir Meta ishte i pranishëm ditën e sotme në ceremoninë e 77-vjetorit të Konferencës së Pezës.
Në një prononcim për mediat, Meta është shprehur se politika ka vonuar integrimin e Shqipërisë në Bashkimin Europian.
Meta ka thënë gjithashtu se nuk ka pasur asnjë institucion më bashkëpunues për zbatimin e standardeve evropiane, më shumë se Presidenca”.
“Peza është amanet për të ardhmen për atyre që e bën dhe dhanë jetën për këtë konferencë. Interesi ynë kombëtar është anëtarësimi në BE. Një proces që antagonizmi politik e ka vonuar shumë. Kam dhënë mesazhe për këtë çështje dhe çdo sjellje e imja ka qenë në funksion të interesit kombëtar. Në 18 tetor do të merret një vendim për Shqipërinë dhe kërkesa ime për aktorët politik është t’i kërkojnë BE, pavarësisht problemeve të deritanishme, një ‘Po’ për procesin. Nuk ka pasur asnjë institucion më bashkëpunues për zbatimin e standardeve evropiane, më shumë se Presidenca”-është shprehur Meta./ Opinion.al E.Xh.
