Rajoni

Meta në Sarajevë: Realiteti të pranohet, Kosova shtet i pavarur


               Publikuar në : 12:30 - 09/07/19 |
geliano fataj

“Tashmë është koha e duhur që Bosnja dhe Hercegovina, e jo vetëm, të bëjnë përpara në drejtim të njohjes dhe pranimit të realitetit. Republika e Kosovës është shtet i pavarur e sovran dhe duhet të trajtohet me respekt, para së gjithash nga vetë fqinjët e saj.”

Kështu ka deklaruar Presidenti Ilir Meta në Samitin e Procesit të Bashkëpunimit të Vendeve të Europës Juglindore (SEECP), që po mbahet në Sarajevë të Bosnje dhe Hercegovinës me pjesëmarrjen e krerëve të shteteve të vendeve të Europës Juglindore.

Në fjalën e tij drejtuar të pranishmëve, Presidenti Meta duke shprehur keqardhjen që kryesuesja e radhës së këtij procesi, Republika e Kosovës, nuk ishte e pranishme në këtë Samit.

Dy institucionet shqiptare, Presidenca dhe Ministria e Jashtme nuk janë shfaqur të unifikuara në raport me pjesëmarrjen në samitin e Procesit të Bashkëpunimit të Europës Juglindore.

Ministri i Jashtëm në detyrë, Gent Cakaj anuloi pjesëmarrjen në shenjë solidariteti me Kosovën. Shkak ishte bërë trajtimi i pabarabartë i Kosovës. Presidenti i Kosovës Hashim Thaçi kishte njoftuar se ishte ftuar të merrte pjesë në samit me një shënim shpjegues pranë emrit të Kosovës, në dallim nga shtetet e tjera. Kosova refuzoi ftesën./ Opinion.al

Pas