Presidenti Ilir Meta ka depozituar në Gjykatën Kushtetuese kërkesën për të shpallur antikushtetues ligjin për shembjen e Teatrit Kombëtar.
“Ky është një proces kriminal në kapje te shtetit dhe të dhunimit kushtetues dhe shkeljes së marrëveshjeve ndërkombëtare, në kundërshti me interesat kombëtare, Teatri Kombëtar është një simbol dhe kryevepër ku po kryet një krim kushtetues, kombëtar dhe kulturor në interes të ‘rule of oligarks’.
Dua ti siguroj te gjithë se kam ardhur këtu për të garantuar sundimin e ligjit dhe të popullit. Boll me sundimin e oligarkëve. Është e domosdoshme të ndërpritet akti kriminal që ndodhi sot në mëngjes dhe që më solli mua këtu. Do të veprojë drejtësia shqiptare dhe ndërkombëtare ndaj rilindësve lokalë.
Fajin nuk e ka reforma që nuk kemi Gjykatë Kushtetuese. Reforma e votuar me 140 vota nuk e linte vendin pa Gjykatë, por Ramaforma, që shkatërroi KED ne 2017 dhe 2018 dhe që përpiqet me të gjitha format të kapë institucionet e tjera.
Shkatërrimi i teatrit është krim kushtetues, krim ndaj interesit kombëtar.
Nuk ka forcë në botë që më ndalon mua si president që ti vendos përpara drejtësisë rilindësit lokalë për të bërë reformën madhore për ti dhënë drejtësi shqiptarëve.
Jam i lumtur në procesin e dekorimit ndaj meje për respektimin e kushtetutës në Shqipëri.” tha Meta jashtë ambienteve të Gjykatës Kushtetuese.
Më herët në një reagim në Facebook, Kreu i Shtetit i konsideroi si të turpshme rrethimin e godinës së Teatrit nga forcat e policisë dhe dënoi dhunën e ushtruar nga qytetarëve që protestojnë kundër prishjes së godinës së Teatrit. /Opinion.al
