Presidenti i Republikës Ilir Meta ka pritur sot Ambasadorin e ri të Serbisë në Tiranë, Slobodan Vukčević, me rastin e paraqitjes së Letrave Kredenciale.
Gjatë këtij takimi, kreu i Shtetit shprehu dëshirën se përpjekjet e tij do t’i shërbejnë rritjes së marrëdhënieve ndërmjet Shqipërisë dhe Serbisë, sidomos në fushën ekonomike, tregtare dhe turizëm. Ndër të tjera, Meta nënvizoi se dialogu Kosovë-Serbi ndërmjetësuar nga Bashkimi Europian, për normalizimin e plotë të marrëdhënieve dhe njohjen e ndërsjellë, ka rëndësi jo vetëm për të dy vendet, por edhe për rajonin dhe perspektivën e tij europiane./Opinion.al
