Aktualitet

Meta kujton viktimat e regjimeve totalitare: Tragjeditë përsëriten nëse…


Bëhu pjesë e Grupit Zyrtar të Opinion.al
>> KËTU <<
               Publikuar në : 13:52 - 23/08/21 |
Opi Nion

Presidenti Ilir Meta ka dhënë një mesazh në rrjetet sociale, në kuadër të Ditës Europiane të Përkujtimit të Viktimave të Stalinizmit dhe Nazizmit.

Kreu i shtetit thekson se nderimi i kujtimit të tyre duhet të ushqejë angazhimin tonë të përbashkët për të zhvilluar mbrojtur dhe respektuar demokracinë, të drejtat dhe liritë e njeriut.

Më tej, Presidenti thekson se sikurse na ka mësuar përvoja njerëzore, tragjeditë e së shkuarës janë të destinuara të përsëriten nëse e harrojmë historinë.

‘Dita Europiane e Përkujtimit të Viktimave të Stalinizmit dhe Nazizmit na sjell sot në vëmendje jetët e pafajshme të martirizuara në emër të lirisë, demokracisë dhe dinjitetit njerëzor, dhembjet dhe sakrificat e mijëra të burgosurve e të persekutuarve, të mbijetuar të terrorit, krimeve dhe shtypjes në kampet e vdekjeve dhe internimeve.

Nderimi i kujtimit të tyre duhet të ushqejë angazhimin tonë të përbashkët dhe të pandalshëm për të zhvilluar, mbrojtur dhe respektuar demokracinë, të drejtat dhe liritë e njeriut, për të mos e ndalur luftën ndaj shfaqjeve të sotme të autoritarizmit, intolerancës, përjashtimit dhe ekstremizmit.

Sepse siç na ka mësuar përvoja njerëzore, tragjeditë e së shkuarës janë të destinuara të përsëriten nëse e harrojmë historinë. Vetë integrimi europian ka në themel aleancën e popujve të lirë kundër diktaturave dhe regjimeve hibride.’- shkruan Meta./Opinion.al

Pas