Presidenti i Republikës, Ilir Meta ka kthyer për rishqyrtim në Kuvend ligjin “Për Bashkëqeverisjen”. Ky ligj bën rikonceptimin dhe riorganizimin institucional të Agjencisë për Dialog dhe Bashkëqeverisje.
Sipas Presidentit, nga shqyrtimi i parashikimeve të këtij ligji, në raport dhe me atë që deklarohet se synohet të arrihet, vërehet se ka një mospërputhje të parashikimeve të tij, jo vetëm me kuadrin ligjor në fuqi, por edhe në vetë mënyrën se si është konceptuar funksionimi, organizimi dhe kompetencat e Agjencisë për Dialog dhe Bashkëqeverisje, vetëm sa shtojnë dhe rëndojnë burokracinë e administratës shtetërore.
Meta rendit arsyet për kthimin e ligjit të cilat janë: Shkel Kushtetutën dhe autonominë e pushtetit vendor;Krijon institucione paralele dhe mbivendosje kompetencash ndermjet tyre duke shkelur sigurinë jurudike; Centralizon më shumë pushtet tek një institucion në varësi direkte nga Kryeministri; Bie ndesh me Jurisprudencen e Gjykates Kushtetuese;Bie ndesh me parimet e funksionimit te administrates shteterore te saksionuara ne Kode dhe Ligje te tjera.
Ligji “Për Bashkëqeverisje”, u miratua mes debatesh në seancën plenare të datës 4 Nëntorit në Kuvendin e Shqipërisë./Opinion.al
