Aktualitet

Meta: E kam thirrur Lulushin, i thashë hajde këtu, mblidh opozitën tani se …



Bëhu pjesë e Grupit Zyrtar të Opinion.al
>> KËTU <<
               Publikuar në : 14:19 - 26/07/22 |
Opi Nion

Tashmë në krye të Partisë së Lirisë, Ilir Meta, në një konferencë pë mediat nuk la pa sulmuar ish-kreun e PD, Lulzim Basha.

Ai tha se ajo që ka ndodhur ka qenë një bashkëpunim Ramës dhe Bashës në kurriz të LSI.

Meta tregoi edhe prapaskenat e diskutimeve të tij me Lulzim Bashën pas vendimit të mazhorancës për të prishur me njëanshmëri marrëveshjen e 5 qershorit 2021, para hyrjes në zgjedhjet e përgjithshme.

“Po nuk dua, se nuk ka pas asnjë problem kalkulimi të gabuar nga lidershipi i PD-së në atë kohë. Kanë qenë të gabuara për shkak të një besimi të gabuar të lidershipit të LSI që i kishin dhënë besën lidershipit të PD. Ka qenë një biznes i rënë prej kohësh dakord me Ramën dhe ka qenë në kurriz të LSI dhe jo vetëm LSI por gjithë klasës politike në vend. Ajo që ka ndodhur ka qenë një bashkëpunim i të dyve, që gjoja me një përplasje artificiale ky digjte palmën këtu dhe ai bënte miting në Berat për të shkuar te ai rezultat i zgjedhjeve të 25 qershorit. Kur Rama ka prishur marrëveshjen e 5 qershorit e kam thirrur Lulushin, hajde këtu ti. Mblidh opozitën ti tani se janë prishur rregullat e lojës, do i dalim përballë. E mos ki merak se i dal unë përball, vetëm ti do i thuash shqiptarëve që ky është Presidenti. Unë do jem prapë President kurse ti do jesh Kryeministër me zgjedhje. Por organizimin merre vete në dorë. Se prishja e marrëveshjes së 5 qershorit ishte grusht shteti. E pastaj shpalli ky doktorin non-grata dhe pastaj bëhej një teatër këtu që të tjerët frynin sytë se janë shumë pak që fryjnë xhepat”, shtoi Meta më tej.

Pas