Kryesore

Meta: COVID-19 u shfrytëzua për të shkelur të drejtat e njeriut


Bëhu pjesë e Grupit Zyrtar të Opinion.al
>> KËTU <<
               Publikuar në : 19:55 - 25/02/21 |
Opi Nion

Presidenti Ilir Meta shprehet se pandemia e koronavirusit po shfrytëzohet për shkeljen dhe cenimin e të drejtave të qytetarëve.

Ai shkruan në “Facebook” se përpjekjet e qeverisë për të kapur institucionet nuk janë kursyer as gjatë kësaj kohe duke kulmuar me dhunë policore, shembjen e teatrit dhe miratimin e koncesioneve që cenojnë kombin.

Presidenti thotë se me referendumin e 25 Prillit qytetarët kanë mundësinë të “ndahen nga kjo epokë e errët e dhunimit të demokracisë dhe degradimit të shtetit ligjor.”

Postimi

COVID-19 jo vetëm i thelloi pabarazitë në vend, por u shfrytëzua pabesisht edhe për shkeljen dhe cenimin e të drejtave të qytetarëve për motive, që nuk kishin asnjë lidhje me pandeminë. Përpjekjet e Qeverisë për të shkatërruar demokracinë dhe kapur institucionet e pavarura nuk u kursyen as gjatë kësaj kohe, duke kulmuar me dhunë policore shproporcionale ndaj qytetarëve, shembjen kriminale të Teatrit Kombëtar dhe miratimin e të tjera koncensioneve dhe akteve antikushtetuese, që cenojnë interesin publik e kombëtar.

Duke e përshëndetur mesazhin e Komisioneres për të Drejtat e Njeriut, Dunja Mijatoviç bashkëndaj të njëjtin qëndrim se ky duhet të jetë viti për t’i thënë NDAL shkeljes së të drejtave të njeriut.

Me referendumin historik të 25 prillit, qytetarët shqiptarë kanë mundësinë të ndahen nga kjo epokë e errët e dhunimit të demokracisë dhe degradimit të shtetit ligjor.

PRANVERA SHQIPTARE PO VJEN!

Pas