Një studim i fundit, i realizuar nga HushHush.com, ka dalë në përfundimin se meshkujt janë gënjeshtarë më të mëdhenj se femrat. Sipas këtij studimi, është zbuluar se meshkujt gënjejnë përgjithësisht 3 herë më shumë se sa femrat.
Gjatë një viti, një mashkull thotë mesatarisht 1000 gënjeshtra. Më shumë se gjysma e meshkujve, nga 2500 që u morrën në studim, janë shprehur se gënjejnë 3 herë në ditë, ndërsa femrat vetëm 1 herë në ditë.
Gënjeshtrat më të shumta të femrave janë për emocionet e tyre, ku ¼ konsistonte në frazën “jam mirë” Meshkujt, nga ana tjetër, gënjejnë që kanë bërë diçka që është dashur, por në fakt nuk e kanë bërë.
Madje 71 për qind e të testuarve vazhdimisht gënjejnë kolegët, miqtë dhe anëtarët e familjes duke e arsyetuar këtë me nevojën për të kursyer ndjenjat e të tjerëve, një e treta vazhdimisht gënjen shefin dhe kolegët dhe pastaj familjen dhe partnerët.
Meshkujt janë të tmerrshëm ndaj miqve, sepse 41 për qind e tyre e pranojnë që i gënjejnë vazhdimisht, në krahasim me vetëm 9 për qind të femrave që komunikojnë ashtu me mikeshat.
