Gazetari Mentor Kikia me anë të një komenti të botuar në profilin e tij personal në facebook, ka komentuar zgjedhjet në Dibër.
Kikia shkruan se zgjedhjet në Dibër ishin parathënia e betej elektorale të zgjedhjeve të përgjithshme.
Ai thekson se unë nuk kam pikën e dyshimit që votat edhe janë blerë, me para e me premtimesh për vende pune.
“Sepse unë nuk kam pikën e dyshimit që koalicioni qeverisës nuk është një koalicion politik, por një konsorcium ekonomik që ka në përbërje edhe njerëz që kanë hyrë në parlament vetëm falë parave dhe rrethit kriminal që zotërojnë”, shkruan Kikia.
Mirëpo, gazetari Kikia thekson se PD fshihet pas fijes së barit kur thotë se ia vodhën zgjedhjet.
“Partia Demokratike humbi dhe përballë këtij konsorciumi do të humbasë edhe në 2017-ën”, shkruan ai.
Kikia shkruan se ajo mendon se do të vijë në pushtet me opozitën e Berishës në Facebook.
“Por jo vetëm kaq, ajo mendon të vijë në pushtet po me atë bandë hajdutësh që kishte Berisha në qeverisjen kur shqiptarët vendosen ta përzënë”, shkruan ai.
Sipas gazetarit Kikia, Basha në vend që të bënte një remont kapital, ta rindërtonte opozitën, vendosi të hidhet në sulm me të njëjtën skuadër njerëzish që janë bërë neveri elektorale.
“Mua nuk më dhimbset PD nëse do të qëndrojë në opozitë, por më dhimbset ky vend që, në kushtet kur nuk ka opozitë, do të zhvatet nga tre ortakët e qeverisës, në garë kush e kush më shumë.
