Bota

Melania Trump në konventën e republikanëve: Burri im lufton për ju


Bëhu pjesë e Grupit Zyrtar të Opinion.al
>> KËTU <<
               Publikuar në : 10:48 - 26/08/20 |
Opi Nion

“Donald Trump do vetëm të mirën e Amerikës”. Me këto fjalë është drejtuar Melania Trump në konventën e republikanëve, duke u cilësuar sipas mediave italiane ylli i mbrëmjes.

“Nuk është Donald Junior, Eric apo Tiffany Trump ata që bien në sy. Ndërhyrja e zonjës së parë jep siguri dhe nuk ka atë zemërimin që deri tani ka karakterizuar zhvillimet politike”, shkruan Ansa.

Melania zgjedh një linjë tjetër. Jo atë të Eric Trump që pak më parë kishte akuzuar Biden se nuk e kishte idenë e punëtorëve dhe sipërmarrjeve dhe as të Tiffany Trump që ka sulmuar mediat.

Zoanja e parë është përpjekur të sjellë imazhin e një manjati që ka në zemër vetëm të ardhmen e amerikanëve: “Bashkëshorti im Donald Trump lufton për ju, pavarësisht asaj që thonë mediat. Im shoq nuk është një politikan tradicional, i pëlqen të reagojë. Është një njeri autentik dhe ka në zemër të ardhmen e amerikanëve”, ka thënë ish-modelja me origjinë sllovene.

E ndërsa në Wisconsin prej më shumë se dy ditësh vijojnë protestat antiraciste, Melania i thotë jo vandalizmit në emër të drejtësisë: “Në vend që të flakim gjëra le të reflektojmë mbi gabimet e së shkuarëss”, ka thënë duke lënë në të kuptohet dëmtimi i statujave që simbolizonin periudhën e kolonive.

Në fund, mes ovacionit të të pranishmëve, presidenti në dukje i emocionuar, është çuar dhe e ka puthur zonjën e parë./Opinion.al

US First Lady Melania Trump addresses the Republican Convention during its second day from the Rose Garden of the White House August 25, 2020, in Washington, DC. (Photo by Brendan Smialowski / AFP)

 

Pas