Aktualitet

“Më thonë se jam arrogant”, Rama: Jam kokëfortë, hera-herës e teproj


Bëhu pjesë e Grupit Zyrtar të Opinion.al
>> KËTU <<
               Publikuar në : 13:35 - 13/04/21 |
Opi Nion

Ndalesa e radhës e kryeministrit, Edi Rama, ka qenë qyteti i Librazhdit, ku ka zhvilluar një takim me të rinjtë.

Gjatë këtij takimi, Rama ka folur edhe për tiparet e karakterit të tij duke thënë se shumë njerëz e quajnë arrogant, por shtoi ai më shumë se arrogant është kokëfortë dhe këmbëngulës.

Më tej ai tha se kryeministrat me të cilët jemi mësuar, jo në Facebook për të lexuar e komentuar, por as në rrugë nuk ia kthejnë sytë njerëzve.

“Ka edhe një anë tjetër që ma vënë në dukje shumë njerëz, arrogant. Mbase por më shumë se sa arrogant, do të thoja kokëfortë, këmbëngulës. Deri në pikën që hera herës e teproj. Si mund të flasi kryeministri kështu thonë disa, kur unë hyj edhe komentoj.

Në fakt kryeministrat me të cilët jemi mësuar, jo në Facebook për të lexuar e komentuar, por as në rrugë nuk ia kthejnë sytë njeriut. Jo të komunikojnë me njerëzit jashtë kamerave, por edhe para kamerave ulen këmbë mbi këmbë dhe fillojnë tu tregojnë njerëzve se çfarë mrekullirash do bëjnë.

Për mua është ndryshe, unë ndihem dhe jam çdo ditë, çdo sekond njëri nga ata që më kanë dhënë mundësinë të kem një nder kaq të madh që të jem në krye të këtij vendi”, tha Rama./Opinion.al

Pas