Pas 48 ditësh karantinë, rrugët e Spanjës u mbushën sërish nga qytetarë që ecnin, vraponin dhe lëviznin me biçikleta pasi të shtunën, hyri në fuqi vendimi për të lejuar të rriturit të kryejnë aktivitet fizik.
Megjithatë, aktiviteti sportiv do të zhvillohet në afate të caktuara për kategori të ndryshme, për të shmangur grumbullime njerëzish. Gjithashtu, qytetarëve u kërkohet të mos largohen shumë nga banesa.
Spanja është një ndër vendet e goditura më rëndë nga pandemia, me më shumë se 213 mijë raste dhe 24 mijë e 500 viktima, e që prej marsit jeton nën një regjim të rreptë kufizimesh. Qytetarët lejoheshin të dilnin nga shtëpia vetëm për të blerë ushqime dhe ilaçe, apo për të shkuar në punë nëse puna nga shtëpia nuk ishte e mundur. Ditët e fundit Spanja ka shënuar një rihapje graduale, pas rënies së numrit të viktimave. Kujtojmë që një javë më parë u lejua dalja për fëmijët, si një grup më pak i rrezikaur nga COVID./Opinion.al
