Më 26 Tetor 2023 emisioni “Stop” në Tv Klan denoncoi qendrën shëndetësore të Shkozës për mbetjet spitalore të hedhura në ambiente publike. Me qese plot mbetje spitalore në dorë, drejtori mohoi hedhjen e tyre në kazanët e mbetjeve të lagjes.
Por në prani të tij, “Stop” pa dhe i tregoi një qese mbetjesh të rrezikshme, që ishte bërë gati për t’u hedhur. Rasti iu përcoll edhe Inspektoratit Shtetëror Shëndetësor, i cili u përgjigj se pas kontrollit, shkresat e qendrës shëndetësore ishin në rregull, ndërsa për hetimin në terren, ata nuk mbanin përgjegjësi.
Pas transmetimit, Inspektoriati Shtetëror Shëndetësor dega Tiranë, reagoi sërish duke gjobitur me 10 milionë lekë të vjetra qendrën shëndetësore Shkozë për shkeljet e konstatuara në ndarjen dhe etiketimin në burim të mbetjeve të rrezikshme. Inspektorati Shtetëror Shëndetësor falenderon gazetarët dhe emisionin “Stop” në Tv Klan për bashkëpunimin./tvklan.al
