Mediat greke kanë bërë publike momentin që policia i ka vendosur prangat shqiptares, Klodiana Çelos, e cila qëlloi me armë zjarri, ish-partnerin grek.
Ngjarja e rëndë ndodhi mesditën e sotme në Chalandri të Greqisë.
Sipas mediave greke, ajo e ka qëlluar disa herë në bark okulistin grek, duke e lënë të plagosur rëndë. Dëshmitare e ngjarjes ishte edhe fëmija e tyre, vetëm 13 vjeç.
Policia arrestoi pak çaste më pas shqiptaren, ndërsa greku, Jorgos Neos, u dërgua në spital.
Ajo dyshohet se e ka qëlluar okulistin për shkak të një procesi gjyqësor, që të dy palët kishin hapur për kujdestarinë e fëmijës.
Deri në këto momente bëhet e ditur se Jorgos Neos, ndodhet në spital dhe po lufton për jetën./Opinion.al
