Vetëm 17 orë pasi diagnoza e Covid ishte bërë publike, Donald Trump doli ngadalë nga Shtëpia e Bardhëpër t’u ngjitur në një helikopter që e çoi në qendrën mjekësore ushtarake “ Walter Reed” në Bethesda, Maryland. Ai mbante një maskë dhe i veshur me kostum, nuk pranoi të flasë për mediat.
“Mendoj se jam mirë, por duam të sigurohemi që gjërat do të funksionojnë”, tha Trump në një video mesazh të shkurtër postuar në Twitter.
Trump do të punojë nga spitali në ditët në vijim, kjo si një masë paraprake për shëndetin e tij.
Videot online treguan një grup të vogël qyetarësh jashtë qendrës mjekësore, të cilët me flamuj në duar mbështesnin Trump.
74 vjeçari ka një temperaturë të lehtë, sipas burimeve familjare. Mjeku i Shtëpisë së Bardhë tha se gjendja e tij ishte e mirë, se ai nuk po merrte oksigjen shtesë dhe se kishte përdorur dozën e parë të Remdesivir, të cilën do ta marri gjatë qëndrimit në spital./Opinion.al
