Një 42-vjeçar të premten në darkë është arrestuar për armëmbajtje pa leje në Shijak.
Policia tha se shtetasi Artur Prolla qarkullonte me armë zjarri pistoletë me vete, si dhe gjatë kontrollit në banesë iu gjet edhe një automatik me silenciator.
“Specialistët për Hetimin e Krimeve në Komisariatin e Policisë Shijak, në bazë të informacioneve të siguruara nga Strukturat Policore, mbrëmjen e djeshme kanë organizuar shërbimet duke finalizuar me sukses operacionin e koduar “Smith 2”, në kuadër të kapjes së personave që disponojnë armë zjarri, me qëllim rritjen e sigurisë së qytetarëve”, -citohet nga deklarata e policisë.
42-vjeçarit në vëndin e quajtur Koxhas / Kodër, gjatë kontrollit fizik dhe në banesë i’u gjet dhe sekuestrua në cilësinë e provave materiale:
- një armë zjarri tip pistoletë “SMITH & WESSON” , me mulli me 5 fishekë kalibri 38 mm (gjatë kontrollit fizik);
- një automatik Skorpion M-84 me silenciator, me një krehër me fishekë (gjatë kontrollit në banesë).
