Një djalë i ri është mbytur në rrethana ende të paqarta në digën e HEC-it të Rrapunit në Librazhd. Ngjarja ka ndodhur që mbrëmë, por trupi i pajetë është konstatuar ditën e sotme.
Me hapjen e portave të digës është arritur të nxirret trupi i cili do t’i nënshtrohet procedurave mjeko-ligjore. Mësohet se viktima është 27-vjeçari Besim Karaj. Policia ka nisur hetimet për të zbardhur ngjarjen.
“Nga këqyrja paraprake e kufomës nuk janë konstatuar shenja dhune apo dëmtime të shkaktuara nga ndonjë faktor tjetër. Grupi hetimor po punon për zbardhjen e plotë të rrethanave të ngjarjes”, thekson policia./ Opinion.al
