Kandidatët pro-Kremlinit kanë pësuar humbje në zgjedhjet lokale në Moskë ndërsa kritiku më i madh i Vladimir Putin, Aleksei Navalni, përshëndeti suksesin e fushatës së tij për të inkurajuar votimin strategjik.
Zgjedhjet u monitoruan nga të dy palët pas një vere protestash në kryeqytetin rus kundër refuzimit të Kremlinit për të lejuar kandidatët aleatë me liderin e opozitës Aleksei Navalni për të votuar.
Sipas raporteve të mediave ruse, kandidatët e opozitës të ndaluar nga Kremlini do të fitonin të paktën nëntë vende në bazë të sondazheve. Ndërkohë që këshilli i qytetit ka pak fuqi, analistët thonë se Kremlini nuk ishte i gatshëm të lejonte aleatët e Navalnit më shumë fuqi zgjedhore përpara zgjedhjeve parlamentare shumë më domethënëse të 2021.
Navalni i cilësoi zgjedhjet e këshillit të qytetit si një referendum për Rusinë e Bashkuar (United Russia partia e Putin) dhe Putin. Ai u bëri thirrje votuesve që të votojnë për sfiduesit më të fortë të Rusisë së Bashkuar, edhe nëse ata përfaqësonin parti politike për të cilat ata nuk do të votonin normalisht, siç janë komunistët.
Megjithëse partia e Presidentit Putin ruajti shumicën e saj në Moskë pas votimit të së dielës, pjesa e saj e vendeve në këshillin me 45 vende të qytetit u ul nga 40 në 25. Partia Komuniste mori 13 vende, nga pesë herën e fundit, ndërsa Partia Një Rusi e Drejtë (A Just Rusia) fitoi tre vende. Të dy partitë shihen gjerësisht si pjesë e “kundërshtarëve” të Kremlinit.
Të katër kandidatët nga Yabloko, partia më e vjetër liberale e Rusisë, fituan rrethet e tyre. Yabloko ishte e vetmja parti e vërtetë e pavarur e lejuar në votimin në Moskë.
Kandidatët e Rusisë së Bashkuar të gjithë garuan si “të pavarur” në një përpjekje për t’u distancuar nga partia e tyre gjithnjë e më shumë jopopullore. Një sondazh i publikuar para zgjedhjeve nga një thinktank i pavarur tregoi se ajo ishte mbështetur nga vetëm 11% e votuesve në Moskë. Anketuesi i drejtuar nga shteti tha në prill se partia e Putinit ishte mbështetur nga 22% e votuesve në kryeqytetin rus.
Megjithëse ishte e vështirë të thuhej saktësisht se sa ndikim kishte votimi strategjik në rezultatet përfundimtare, disa prej kandidatëve fitimtarë e pranuan rolin e tij. Yandiev Magomet, i cili u propozua nga partia Një Rusi e Drejtë, tha se mbështetja e Navalny ishte jetike për fitoren e tij ndaj një kandidati me profil shumë më të lartë të Rusisë së Bashkuar.
Rusia e Bashkuar pësoi një humbje të thellë në Khabarovsk, në Lindjen e largët të vendit, ku partia nacionaliste Liberale Demokratike e Rusisë (LDPR) fitoi 34 nga 35 vendet në parlamentin rajonal. Rusia e Bashkuar gjithashtu humbi shumicën e saj në Irkutsk, në Siberinë lindore.
Kishte pretendime të shumta për mashtrim votash në të gjithë Rusinë, përfshirë një kuti votimi që thuhet se ishte vjedhur nga një qendër votimi në Shën Petersburg. Në Tuva, afër kufirit të Rusisë me Mongolinë, burra me kalë hapën zjarr ndaj një furgoni që mbante vëzhgues të zgjedhjeve dhe gazetarë. Askush nuk u lëndua në incident.
Mediat shtetërore thanë që zgjedhjet ishin të lira dhe të ndershme. Putini hodhi poshtë sugjerimet se më shumë kandidatë duhej të ishin lejuar të garonin, duke thënë se cilësia e kandidatëve ishte më e rëndësishme se sasia e tyre. /Opinion.al
