Kryesore

Mbyllet protesta, Basha flet për ndryshim me votë  


Bëhu pjesë e Grupit Zyrtar të Opinion.al
>> KËTU <<
               Publikuar në : 19:45 - 20/05/20 |
Opi Nion

Në mbyllje të protestës së sotme, ku ishte i pranishëm kreu demokrat Lulzim Basha, ndërsa foli për mediat tha se ndryshimi në Shqipëri është i paevitueshëm. Ndonëse nuk dha detaje konkrete për mënyrën se si do të përvijojë reagimi i opozitës, më shumë se një herë gjatë fjalës së tij, Basha, tha se projekti i ndryshimit merr jetë me votën e shqiptarëve.

“T’i japim fund menjëherë kushteve në të cilat padrejtësia shtyp qytetarët, i varfëron. Kjo padrejtësi e ka emrin Edi Rama. Në funksion të këtij qëllimi ne i kemi bashkuar forcat tona në këtë projekt ndryshimi që merr jetë me votën e shqiptarëve. Ndryshimi në Shqipëri është i paevitueshëm.  Rama është investuar të ndalë përpjekjet për zgjedhje të lira dhe më 17 Maj ka provuar se me të nuk mund të ketë zgjedhje të lira. Kjo i jep sot betejës sonë për zgjedhje të lira, një apel kombëtar dhe ndërkombëtar: Në ditët në vijim PD dhe opozita do të përvijojnë hapat e mëtejshëm me qëllim që synimi ynë për t’i dhënë shqiptarëve lirinë e vtoës, të realizohet 1 orë e më parë dhe t’i mundësojmë atyre të shkojnë në kutitë e votimit. Do të përpiqemi me forcat tona që 17 Maji të jetë krimi i fundit”, tha Basha.

Në këtë deklaratë që duket se lë të kuptohet se opozita do të zgjedhë rrugën e votimit dhe jo të protestës, i pyetur nëse do të ulen në tryezën e reformës, Basha tha:

“PD dhe opozita kanë treguar vullnet për reformën, pikërisht sepse duam që shqiptarët ti drejtohen kutive të votimit. Sot nuk është përgjegjësia jonë. Me atë që ndodhi më 17 maj PS dhe Edi Rama hodhi në erë besimin në një proces i cili pa besim nuk është asgjë. Opozita nuk është fasadë, përgjegjësia është e Edi Ramës. Ne do jemi gati për lista të hapura dhe ndryshime sistemi, maxhoritar të pastër”, tha kreu demokrat./Opinion.al

 

 

Pas