Kandidati për kreun e Partisë Demokratike Fatbardh Kadilli i ndalur këtë të dielë në Kukës është takuar me demokratë dhe strukturat e kësaj partie në qytet, ku ka kërkuar mbështetjen e tyre në garën për kreun e PD.
Kadilli tha që qëllimi i tij është që forca e politikës të mos jetë vula e kryetarit por vota e çdo anëtari të thjeshte.
“Manifest që i propozon demokratëve një parti që forcohet aty ku janë demokratët dhe jo te zyra e kryetarit…Qëllimi im është që forca e politikës të mos jetë tek vula e kryetarit por tek vota e çdo anëtari të thjeshtë.”
Po ashtu Kadilli tha se mbështet Nishanin për vettingun e të gjithë politikanëve.
Çdo propozimin që synon të pastrojë figurën e çdo politikani është i mirëpritur nga ana ime, si për vetingun e pasurive ashtu edhe për origjinën politike nga vijnë, a kane implikime me regjimin e shkuar komunist dhe me ngjarje të padëshirueshme sepse kur dalin të kërkojnë mbështetje, ashtu siç kam dalë unë, ka te drejtën të thotë kush je ti zoti Kadilli? Unë do t’i them jam një njeri i persekutuar nga regjimi që kam ndërtuar të gjithë karrierën time me duart dhe fuqinë time dhe të familjes time. E gjithë pasuria ime është e ndërtuar nga unë dhe familja ime pa asnjë teprim nga dikush tjetër”, tha ai.
