Kronikë

Britani/Loja “macja me miun”e kriminelëve shqiptarë që shmangin deportimin


Bëhu pjesë e Grupit Zyrtar të Opinion.al
>> KËTU <<
               Publikuar në : 15:39 - 06/06/21 |
Opi Nion

Si loja “macja dhe miun”, kështu e kanë cilësuar mediat britanike sjelljen e dhjetëra kriminelëve në Britaninë e Madhe, të cilët kanë gjetur një mënyrë për të shmangur deportimin e tyre në vendet e origjinës.

Daily mail shkruan se betejat ligjore në gjykata për deportimet e këtyre kriminelëve, mes të cilëve dhe shumë shqiptarë e kosovarë, po i kushtojnë tatimpaguesve britanikë të paktën 200 milion £ çdo vit.

Avokatët e imigracionit “festojnë” me buxhetin vjetor të ndihmës juridike civile, prej 800 milion £  për të sfiduar vazhdimisht përpjekjet e Ministrisë së Brendshme për të deportuar këta persona, shpesh duke përdorur argumente false dhe legjislacion të diskutueshëm për të drejtat e njeriut, vijon artikulli.

Kritikët akuzojnë gjykatësit e emigracionit si të butë dhe tepër të gatshëm për të apeluar vendimet të cilat më pas sfidohen nga Ministria e Brendshme, duke rritur më tej faturën për taksapaguesit. Po sipas mediave britanike, shumë raste vazhdojnë me vite, disa për një dekadë ose më shumë.

Daily mail përmend rastet e dy shqiptarëve, një nga Shqipëria dhe një tjetër nga Kosova të cilët kanë mundur të shmangin deportimin.

Shqiptari Valter Shpani mbërriti në Britani në 2007. Ai u depërtua në 2010 pasi u shpall fajtor për mashtrim, por arriti të futej sërish në ishull në vitin 2012. Deri në momentet që ne flasim ai është deportuar 3 herë nga Britania, por ia ka dalë të rikthehet sërish me pasaporta e karta identiteti false. Në muajin prill një gjykatës vendosi qëndrimin e tij në Britaninë e Madhe përfundimisht.

Shqiptari i Kosovës, Shaban Binaku hyri në Britaninë e Madhe në 1998 si azilkërkues. Ai kaloi 12 muaj në burg për vjedhje dhe trafik droge dhe u deportua në 2012. Megjithatë arriti të kthehej në Britani në një lloj mënyrë dhe hapi një lavazh në veri të Londrës në 2014. Po ashtu, në këtë vit fitoi dhe 100 mijë paund në bingo. U arrestua sërish në 2018 për qëndrim të paligjshëm në Britani. Çështja e tij është ende në gjykatë, megjithatë është lejuar të qëndrojë në Britani nën arsyet e ligjeve për të drejtat e njeriut./Opinion.al

Pas