Aktualitet

Mbërrin në atdhe trupi i pajetë i Major Klodian Tanushit


               Publikuar në : 13:10 - 15/05/19 |
xhu lia

Ka mbërritur në atdhe trupi i pajetë i Majorit Klodian Tanushi, komandanti i kontingjentit shqiptar në Letoni, i cili humbi jetën në krye të detyrës në misionin e NATO-s.

Ai u përcoll me nderimet më të larta ushtarake nga kolegët e tij në vendin baltik, ndërkohë që në orën 13:10 avioni ushtarak me trupin e pajetë të Majorit Tanushi u ul në aeroportin e Rinasit.

Homazhet për komandantin e kontingjentit shqiptar në Letoni, do të zhvillohen ditën e enjte në Muzeun Historik Kombëtar nga ora 10:00 – 12:00.

Pas kryerjes së homazheve dhe ceremonisë shtetërore, major Tanushit do t’i jepet lamtumira e fundit në Varrezat e Dëshmorëve në Tiranë, ku do të prehet përjetësisht.

Nëntetarja Hasanaj dhe Major Tanushi humbën jetën gjatë një stërvitje në bazën e Natos në Letoni. Efektivët e ushtrisë shqiptare kishin si detyrë bonifikimin e një zone ku një ditë më parë ishte kryer stërvitje me të shtëna artilerie. Mësohet se ata kanë hasur në disa predha të paplasura, njëra prej të cilave ka shpërthyer në rrethan ende të paqarta./ Opinion.al

 

Pas