Kryesore

Mbaron mbledhja për Zgjedhoren, palët bien dakord në dy pika


Bëhu pjesë e Grupit Zyrtar të Opinion.al
>> KËTU <<
               Publikuar në : 20:08 - 15/06/20 |
Al Do

Ka përfunduar mbledhja e sotme e Këshillit Politik ku po bëhet amendimi i pikave të marrëveshjes së arritur mes palëve në tryezë.

Damian Gjiknuri tha për mediat se palët kanë rënë dakord për identifikimin biometrik dhe financimin e partive. Megjithatë palët do të mblidhen sërish nesër pasi siç tha edhe ai ka ende disa pika për t’u diskutuar në lidhje me  KQZ dhe çështje të tjera në lidhje me fushatën zgjedhore për të cilat PD ka kërkuar më shumë kohë pasi kërkon të konsultohet me ekspertët e saj.

Kemi pranuar raportin 1 me 3 të financimi publik dhe privat, nesër do të vazhdojmë mbledhjen tjetër. Ka ende disa pika për t’u diskutuar si çeshtja e KQZ dhe disa elementë që kanë të bëjnë më fushatë zgjedhore që PD do më shumë kohë. Shpresoj që nesër ta mbyllim ligjin zgjedhor përfundimisht. Ka ende diss pika për t’u diskutuar dhe kërkojnë më shumë kohë për t’u konsultuar me ekspertët e tyre”, tha Gjiknuri.

Përfaqësuesi i opozitës, Oerd Bylykbashi tha se shtrirja e identifikimit biometrik në të gjithë vendin do të mbrojë kutitë nga votat false.

Diskutuam dy çështje të rëndësishme, identifikimi biometrik që është çështja kryesore e nënshkruar në Këshillin Politik si dhe financimin e partive politike. Sot diskutojmë për të gjetur garancitë dhe ajo që do të sjellë në draftin përfundimtar është identifikimi biometrik, që do të jetë në të gjitha qendrat e votimit. Kutitë e votimit do të jenë të mbrojtura. Çështja e dytë është financimi i partive politike. Sot ramë dakord për paketën e financimit të partive politike në fushatën zgjedhore. Ne kërkojmë që të gjejmë zgjidhje për fushatën. Në këtë kod kemi rënë dakord që të ketë reduktim të financimit privat dhe reduktim të shpenzimeve, ku 3-fshi do të jete vetëm 3-fishi i financimit publik. Sot partitë kanë të drejtë të shpenzojnë 10-fishin e parave që marrin nga privati. Nesër Këshilli Politik mblidhet sërish për çështje që janë të hapura”, tha Bylykbashi.

Përpos identifikimit biometrik në të gjithë qendrat zgjedhore dhe financimit të partive gjatë fushatës, palët politike kanë rënë dakord edhe në disa pika të tjera para mbledhjes së sotme.

Kolegji Zgjedhor do të quhet tashmë Kolegji Gjyqësor Zgjedhor dhe do të përbëhet nga 8 anëtarë që kanë kaluar vetingun. SPAK do të jetë organi që do të hetojë rastet ku pretendohet të ketë shitblerje votash. Është rënë dakord të ndryshohet periudha zgjedhore. Zgjedhjet do të zhvillohen nga 15 maj në 15 prill. Është rënë dakord për kuotat gjinore ku një në tre kandidatë do të jetë grua. Palët kanë rënë dakord gjithashtu që në çdo qendër votimi do të ketë kamera./Opinion.al

Pas