Një 37-vjeçar është arrestuar në Maqedoninë e Veriut, pasi policia i gjeti në çantën e shpinës 5 kilogramë heroinë.
Mësohet se shqiptari nga Gostivari është arrestuar në Shkup, ndërsa mediat maqedonase shkruajnë se droga që ai mbante në çantë arrinte vlerën e 200 mijë eurove.
37-vjeçari e kishte ndarë drogën në 9 pako, ndërsa droga u gjet nga policia pas një kontrolli të ushtruar në çantën e tij.
“Të njëjtit i janë gjetur rreth pesë kilogramë heroinë me vlerë të rreth 200 mijë eurove, të cilën e mbante në një çantë shpine. Nga kontrolli në çantën e shpinës u gjet heroina, e cila ishte e paketuar në nëntë pako. A.O. është i privuar nga liria”,-ka njoftuar Ministria e Punëve të Brendshme në Maqedoninë e Veriut./Opinion.al
