Bota

Mbaheshin anëtarët e karteleve Sinaloa dhe Juarez,14 viktima pas sulmit me armë në burg



Bëhu pjesë e Grupit Zyrtar të Opinion.al
>> KËTU <<
               Publikuar në : 11:15 - 02/01/23 |
Opi Nion

Të paktën 14 persona, përfshirë 10 roje, u vranë në një sulm të armatosur në burgun e vendosur në Ciudad Juarez, Meksikë, në kufirin me Shtetet e Bashkuara.

Gjatë sulmit të armatosur, të paktën 24 të burgosur u arratisën, thanë autoritetet. “Ne regjistruam vdekjen e 14 personave, mes të cilëve 10 ishin anëtarë të shërbimit të sigurimit dhe mbikëqyrjes së burgjeve dhe katër personave të cilëve iu hoq liria, 13 u plagosën dhe të paktën 24 të arratisur”, tha zyra e prokurorit të shtetit.

Bastisja u bë në agim. Persona të armatosur mbërritën me automjete të blinduara dhe hapën zjarr ndaj rojeve. Në të njëjtën kohë, familjet e të burgosurve prisnin të hynin në burg për të vizituar të afërmit e tyre ditën e Vitit të Ri. Sipas raportimeve të para, bastisja kishte për qëllim lehtësimin e arratisjes së një grupi të burgosurish.

Me ndihmën e ushtrisë, policia ka bërë katër arrestime, shtoi prokuroria, pa specifikuar nëse ishin të arratisur apo autorë të sulmit. Sipas mediave meksikane, disa të burgosur u revoltuan në burg, u vunë flakën objekteve të ndryshme dhe u përleshën me rojet. Sipas informacioneve të tyre, ngjarja ka shkaktuar panik te banorët e zonës ku ndodhet burgu, ndërsa kryebashkiaku u ka kërkuar qytetarëve që të mos i afrohen zonës.  Zyra e prokurorit tha se forcat e sigurisë ishin në gjendje të vendosnin situatën nën kontroll në burg rreth pesë orë pas sulmit.

Anëtarët e karteleve famëkeqe Sinaloa dhe Juarez, të cilët kanë qenë në luftë për kontrollin e qytetit për më shumë se pesëmbëdhjetë vjet, mbahen në këtë burg. Ciudad Juarez është një qendër për trafikun e drogës në SHBA./Opinion.al

Pas