Opozita jo parlamentare u ul këtë të martë në një tryezë për reformën zgjedhore me 3 kërkesa, ku bie në sy mungesa e lajtmotivit disamujor të protestave të tyre.
Jo vetëm që Edi Rama nuk iku, por demokratët u detyruan të pranojnë edhe bashkëkryetarin socialist të Reformës Zgjedhore, Damian Gjiknuri, të cilin me herët e donin në burg.
Përgjimet e publikuara nga Bild mbi zgjedhjet në Dibër, e bënin Gjiknurin të papranueshëm në sytë e opozitës. Pikërisht kjo pyetje iu është bërë aktorëve kryesorë të këtij takimi në emisionin Opinion, sidomos atyre të opozitës.
****
Blendi Fevziu: Bylykbashi po ta bëj pyetjen kontrete, keni akuzuar Zotin Gjiknuri se nuk uleni se ka marrë pjesë në vjedhje vote? A u ulët me Zotin Gjiknuri për ta bërë marrëveshjen?
Oerd Bylykbashi:Në këtë instrument aty politik ne e kemi të qartë…ne e kemi shumë të qartë përballë nesh është Edi Rama dhe mazhoranca socialiste…
Blendi Fevziu: Leri këto janë fjalë….
Oerd Bylykbashi: Ne e dimë kë kemi përballë
Blendi Fevziu: Çdo me thënë kjo…Ti s’ke Edi Ramën, ke Damian Gjiknurin… Edi Ramën e ka Lulzim Basha kur të shkojë përballë
Oerd Bylykbashi :Ne nuk e zgjedhim fare se kë çon Edi Rama në komision…
Blendi Fevziu:Këtë të kishit thënë që në fillim
Oerd Bylykbashi: Objektivi jonë i reformës është një reformë konsensuale që zgjidh ato probleme që thotë OSBE/ OHDIR-i shitblerje vote, presion mbi zgjedhësit presin mbi administratën
Blendi Fevziu:Mos është më ndershme të thoni që nuk ka zgjidhje tjetër veç zgjedhjeve dhe po mundohemi të shkojmë atje?
Oerd Bylylbashi: Ky është objektivi…
Damian Gjiknuri: Fevzi të lutem të sqaroj diçka …padashje po ç’fokusohemi nga ajo që është arritur. Kemi vendosur piketat për dialog të gjitha këto çështje të zgjedhjeve nuk janë të reja. Shoqëria shqiptare gjithmonë i ka patur dhe ne do përpiqemi së bashku që të shkruajmë rregulla për ti përmirësuar ato./ Opinion.al
