Kuvendi i Maqedonisë ka ratifikuar me 69 vota pro dhe asnjë kundër, marrëveshjen për emrin me Greqinë.
Kryeministri i Maqedonisë, Zoran Zaev tha në Parlament se me ratifikimin e marrëveshjes për emrin me Greqinë, ruhet identiteti shtetëror dhe kombëtar i Maqedonisë.
Zaev: Me këtë vendim, jo vetëm fitojmë një mik, partner strategjik, jo vetëm që garantojmë stabilitetin dhe sigurinë, por realizojmë edhe aspiratën shekullore të paraardhësve tanë, që përfundimisht të pranohet në botë një shtet në të cilën flasin gjuhën maqedonase. Për këtë çështje të rëndësishme, qytetarët e Maqedonisë do të sjellin vendim se çfarë ardhmërie synojnë.
Marrëveshja historike midis dy vendeve u nënshkrua të dielën në Prespë, ndërsa Maqedonia do të quhet “Maqedonia e Veriut”. Zgjidhja e ngërçit të emrit, e ka lënë për disa vite pas Maqedoninë në proceset integruese në Bashkimin Evropian dhe në NATO.
