Ditën e sotme, në Maqedoninë e Veriut kanë hyrë në fuqi masat e reja për të frenuar përhapjen e COVID-19.
Lokalet dhe restorantet do të punojnë deri në orën 23:00, transporti publik do reduktojë kapacitetin e pasagjerëve dhe administrata do ta organizojë punën me turne, rotacion dhe nga shtëpia.
Po ashtu, qeveria e vendit fqinj la në fuqi masën për mbajtjen e aktiviteteve sportive pa tifozë, ndërkohë që nuk ka ende marrëveshje me partitë e tjera për masat e tjera që kanë të bëjnë me mbajtjen e maskës dhe ndalimin e grumbullimit të më shumë se 4 personave.
Ditët e fundit në Maqedoninë e Veriut shifrat e rasteve të reja pozitive kanë shënuar rritje. Kujtojmë se dje u shënuan 406 raste pozitive dhe 4 viktima si pasojë e Covid-19./ Opinion.al
