“Një orë e më parë jo ta pezullojmë, por ta shkarkojmë këtë gjyqtar, si akt që cenon rendë autoritetin tuaj”. Kështu u shpreh ministri Ylli Manjani për gjyqtarin Ibrahim Hoxha, duke folur paraditen e sotme në analizën e gjykatës Administrative.
Manjani gjithashtu u kërkoi qytetarëve që të bëjnë çdo denoncim për korrupsion në zyrën e Prokurorit.
“Është radha e kolegëve tuaj që të distancohen në emrin e vet dhe emrin tuaj nga kjo ngjarje tepër e rëndë. Nxis çdo qytetar që të mos denoncojë vend e pa vend, por në zyrën e Prokurorit që raste të tilla të jenë sa më të suksesshëm që të jetë e mundur”, theksoi
ministri i Drejtësisë.
Manjani gjithashtu kërkoi që të ketë një reagim publik të fenomenin e korrupsionit në gjykata, duke u shprehur se, “shqiptarët sot duan reagim, jo më llafe”.
“Është një ngjarje që ndodh për ditë. Po na kthehet sindorma e faturinove të dikurshme që partia nuk i rriste rrogën, ashtu si sindorma e doganierit. Duhet ta ndryshojmë këtë kulturë me një reagim proporcional publik”, përfundoi ministri.
Ibrahim Hoxha u arrestua mbrëmjen e djeshme për mitmarrje. Ai dyshohet se ka marrë 60 milionë lekë për një çështje pronësie.
a kush është gjyqtari i arrestuar, mori rryshfet për çështje pronash
