Kryetari i Partisë Demokratike, Lulzim Basha, ka zhvilluar ditën e sotme një takim me strukturat e kësaj partie në Mallakastër.
Basha është shprehur gjatë takimit se 30 qershori ishte një masakër elektorale, dhe se zgjedhjet pa opozitën vulosën fatin e qeverisë “Rama”.
Kryedemokrati i shoqëruar dhe nga kryetar i bashkisë së Mallakastrës, Agron Kapllanaj, ka deklaruar se përgjegjësi kryesor për krizën politike dhe manipulimin e zgjedhjeve është kryeministri Edi Rama.
Po ashtu, lideri i opozitës është shprehur se Kapllanaj do të jetë kryetar legjitim i Mallakastrës deri në një proces të rregullt zgjedhor.
“30 Qershori është një masakër elektorale e provuar në sytë e secilit. Përgjegjës kryesor për këtë krim është Edi Rama. Bashkia Mallakaster ka një kryetar legjitim. Ai është Agron Kapllanaj. derisa të ketë një proces të rregullt zgjedhor, ku përsëri do të konfirmohet si Kryetar Agron Kapllanaj”- u shpreh Basha./ Opinion.al E.Xh.
