Një aksident rrugor është regjistruar rreth orës 15:05 në fshatin Qytezë, Devoll. Policia bën me dije se një automjet ka përplasur një 13-vjeçar që po ecte në rrugë. I mituri është dërguar në spitalin e Korçës, ku ndodhet nën kujdesin e mjekëve. Sakaq, policia ka shoqëruar në komisariat drejtuesin e automjetit, shtetasin T. D., për veprime të mëtejshme procedurale
“Më datë 04.11.2022, rreth orës 15:05, në fshatin Qytezë, Devoll, shtetasi T. D., duke drejtuar mjetin tip “Benz”, ka aksidentuar një 13-vjeçar, këmbësor në rrugë, i cili u dërgua në spitalin e Korçës dhe ndodhet nën kujdesin e mjekëve. Drejtuesi i automjetit, shtetasi T. D., është shoqëruar për veprime të mëtejshme procedurale”-njofton policia.
Grupi hetimor po punon për përcaktimin e shkaqeve të aksidentit.
