Një 26-vjeçar ka humbur jetën të martën pasdite për pasojë të një aksidenti automobilistik në Fier.
Burime nga policia thanë se ngjarja ndodhi në afërsi të fshatit Baltëz, teksa drejtonte mjetin e tij Benz ka humbur kontrollin dhe është përplasur me betonin e mbikalimit të autostradës.
“Në datën 26.12.2017, rreth orës 18:00, në fshatin Baltëz, shtetasi J.I, 26 vjeç, banues në Fier, duke drejtuar mjetin tip “Benz” ka humbur kontrollin dhe ka goditur betonin e mbikalimit të autostradës,” shkruhet në njoftimin e policisë.
Për pasojë ka gjetur vdekjen e menjëhershme drejtuesi i mjetit. Në vendin e ngjarjes ka mbërritur policia dhe ka nisur hetimet për zbardhjen e rrethanave të aksidentit.
