Presidenti francez, Emmanuel Macron ka mbërritur këtë mëngjes në Presidencë dhe është pritur me ceremoni zyrtare nga presidenti Bajram Begaj.
Sipas agjendës të bërë publike nga zyra e shtypit të Presidencës, nga ora 08:35 deri në 09:05, dy presidentët do të kenë një takim kokë më kokë.
Presidenti francez mbërriti mbrëmjen e djeshme në Shqipëri dhe kjo është dita e dytë e vizitës zyrtare të Macron. Pritet që ai gjithashtu të takohet sot me kryeministrin Rama.
Pjesë nga agjenda e presidentin Macron:
8:25 -Mbërritja e Presidentit të Republikës Franceze në Institucionin e Presidentit të Republikës.
Presidenti i Republikës franceze do të pritet nga Presidenti i Republikës, Sh.T.Z. Bajram Begaj.
-Interpretohet himni kombëtar francez;
-Interpretohet himni kombëtar shqiptar;
-Kryhet kalimi para truprojës së nderit;
-Dy krerët e shteteve prezantojnë ekipet e tyre respektive.
Presidenti i Republikës së Francës ftohet të nënshkruajë në librin e të ftuarve.
Në hollin ”Nënë Tereza” do të bëhet fotoja zyrtare.
08:35 – 09:05 – Takim kokë më kokë mes dy presidentëve./Opinion.al
