Aktualitet

Lutja e nënës shqiptare për Johnson:Mos ma dërgo djalin në Ruanda, do vrasë veten



Bëhu pjesë e Grupit Zyrtar të Opinion.al
>> KËTU <<
               Publikuar në : 15:26 - 19/06/22 |
Opi Nion

Ministria e Brendshme angleze vijon të mbyllë në qendrat e dëbimit shqiptarët që arrijnë me gomone në Angli. Gazeta Mail on Sunday thotë se edhe ata shqiptarë që kanë mbërritur ditët e fundit kanë marrë njoftime se mund të dërgohen në Ruandë.

Edhe pse Ministria e Punëve të Brendshme, Priti Patel, dështoi në dërgimin e shtatë azil-kërkuesve të parë në Ruanda, ajo nuk ka hequr dorë nga vijimi i këtij plani pas marrëveshjes me qeverinë e Ruandës,  dy muaj më parë.

Por një nga shtatë emigrantët, i cili të martën e shkuar u tentua të dërgohej në Ruanda bashkë me 6 azilantë të tjerë është një fermer shqiptar rreth të 20-tave, i cili mbërriti në Britani muajin e kaluar pasi kaloi Kanalin me një varkë të vogël.

Mediat britanike kanë sjellë rrëfimin e nënës të të riut shqiptar e cila ka folur nga shtëpia me dy dhoma gjumi në një fshat të largët, thuhet në artikull. Nëna e 20-vjeçarit, e cila është rreth të 50-ave, tha: ‘Zoti e ndihmoftë djalin tim.

“Ai më tha se do të vrasë veten nëse britanikët e dërgojnë të jetojë në Afrikë. Unë po i lutem kryeministrit tuaj Boris Johnson që të mos e dërgojë atë në Ruandë. Nuk do ta shoh më kurrë djalin.’

Ajo rikujtoi se si e puthi djalin e saj dhe i dha lamtumirën pak para Krishtlindjeve, ndërsa ai u nis për në Britani me shpresën për të punuar në kantiere. “Ai donte të shkonte në Angli, por dhe donte të qëndronte këtu me mua. Mendja e tij ishte e dyzuar”, tha ajo.

“Tani jam vetëm me 2 lopë, të cilat janë të ardhurat e mia të vetme. Disa javë më parë, ai telefonoi, për të më thënë se britanikët po e dërgonin në Ruanda”. Duke treguar një fotografi të djalit të saj, ajo shtoi: “Ai më tha nëse do ta çonin të jetonte në Afrikë, ai do të varej. Fjalët e tij për mua ishin: “Unë nuk do të shkoj atje”.

Si qindra të rinj shqiptarë që nisen për në Britani, 20 vjeçari u tha autoriteteve të Mbretërisë së Bashkuar se trafikantët organizuan të gjithë udhëtimin e tij, fillimisht nga fshati i tij në veri të Shqipërisë për në Francën veriore dhe më pas kaloi shtatë muaj në një kamp emigrantësh për të vijuar udhëtimin në një varkë për në Britani.

Pas