Aktualitet

“Luli të sqarojë në gjyq nëse ka 4 apo 5 vila”/PD: Veliaj të shfaqet live në SPAK


Bëhu pjesë e Grupit Zyrtar të Opinion.al
>> KËTU <<
               Publikuar në : 15:04 - 24/11/21 |
Opi Nion

Pas deklaratës së kreut të Bashkisë së Tiranës, Erion Veliaj, i cili tha se halli i Bashës është të sqarojë në gjyq nëse ka 4 apo 5 vila, ka ardhur edhe reagimi i PD.

Përmes një postimi në rrjetet sociale, zëdhënësja e Partisë Demokratike, Ina Zhupa, ka reaguar dhe thotë se Veliaj s’mund të çoj kasetën e tij në SPAK, por duhet të paraqitet vetë fizikisht për të dëshmuar në lidhje me shpifjet.

Erioni i propagandës nuk mund të çojë kasetat e tij të gatshme ne SPAK. Atje ai duhet të shfaqet live dhe të dëshmojë për shpifjet që i rëndojnë ligjërisht.

Koha e akuzave të rreme, e gënjeshtrave dhe e baltës mbi kundërshtarin duhet të marrë fund.

Për ta konkretizuar këtë akt duhet miratuar sa me shpejt vetingu i politikaneve në mënyrë që çdo i zgjedhur në këtë vend të japë llogari për pasurinë e pajustifikuar dhe lidhjet me krimin.

Vetëm kështu lidhjet e politikës me krimin dhe korrupsionin mund të ndahen përfundimisht dhe shqiptarët te kenë klasën politike që meritojnë”,-shkruan Zhupa ne reagimin e saj.

Kujtojmë se sot në Gjykatën e Posaçme ishte sot seanca e radhës për padinë për shpifje kundrejt kryebashkiakut së Tiranës, Erion Veliaj. Kryetari i Partisë Demokratike, Lulzim Basha u paraqit në seancë ndërsa kryebashkiaku Veliaj nuk ishte i pranishëm./Opinion.al

Pas