Kryeministri, Edi Rama ka dalë në një konferencë për mediat këtë të hënë ku po flet për ndikiiimin e luftës së Rusisë ndaj Ukrainës mbi çmimet e energjisë dhe naftës.
Rama tha se sot, çmimi i brendit të naftës është rritur dhe do vazhdojë të rritet pasi është tregu që ndikohet nga kriza dhe lufta që po ndodh në Evropë.
Më tej kryeministri ka bërë me dije krijimin e një komitet ndërministror për përballimin e pasojave që do të sjellë lufta në Ukrainë.
“Po e bëjmë këtë komunikim për të informuar lidhur me krijimin e një Komiteti të Posaçëm Ndërministror për përballimin e pasojave të Luftës. Ne nuk jemi në kushtet e një kërcënimi ushtarak, por jemi si të gjitha vendet e tjera të NATO-s edhe më gjerë në fakt se sa vendet e NATO-s, në kushtet e kërcënimit të përditshëm ekonomik si rezultat i daljes krejtësisht nga binarët e normalitetit të kostove dhe të vlerave në çmim të mallrave të konsumit.
Dëshirojmë të flasim në mënyrë specifike për energjinë, pasi është edhe palca e shtyllës kurrizore të të gjithë sistemit ekonomik, ndërkohë që kërcënimi i thellimit të krizës energjetike vjen duke u rritur jo më çdo muaj, por çdo ditë”, tha Rama./Opinion.al
