Emisioni investigativ BOOM ka vazhduar edhe sot pjesën e dytë të “luftës së varreve” mes dy familjeve në fshatin Bilaj të Krujës, ku tre fëmijë janë varrosur në të njëjtin varr.
Pasi dy familjet nuk gjetën zgjidhje mes tyre, çështja i ka kaluar edhe institucioneve shtetërore.
BOOM iu drejtua bashkisë së Krujës, pasi kryeplaku i fshatit Bilaj tha se bashkia ka dhënë leje. Gazetarja Arjana Loce kontaktoi në telefon me sekretarin e përgjithshëm duke thënë se nuk ndërhyjnë dot në këtë konflikt, pasi bashkia nuk ka kompetenca, sepse nuk bëhet fjalë për varrezë publike.
Konflikti mes dy fiseve katolike ka rënë në dorën e një myslimani. Prokurori Bujar Memia, në prokurorinë e Krujës, është besimtar mysliman i devotshëm dhe duke e kërkuar, denoncuesit i thanë se e gjen në xhami, se ka shkuar të falet. Para derës së xhamisë , në bisedë e sipër prokurori i thotë gazetares se është më mirë të merren me të gjallët se sa me të vdekurit, pasi në këtë kohë ka shumë probleme me të gjallët.
Ndërkohë Pal Perlesi i kërkon prokurorit se përse nuk e ka thirrur asnjë herë , por ka mbyllur hetimet brenda pak ditësh, por Prokurori është i vendosur, ndoshta edhe nga ana fetare, nuk është mirë të merresh me të vdekurit. Pyetja është kur Prokurorit si del koha për tu marrë me të gjallët, e jo më me të vdekurit, si i del koha të shkoj në xhami gjatë orarit zyrtar të punës
Denoncuesi: Po kërkoja një prokuror këtu brenda.
Prokurori: Unë jam unë, pse çfarë ka?
Denoncuesi: Kam bërë një denoncim në policinë e Fushë Krujës para vitit të ri dhe ka ardhur në Prokuori.Si e ke mbyll çështjen ti pa më thirrur mua, ka mundësi?
Prokurori: Po ça ke ardh me ndonjë gazetar?
Denoncuesi: Nuk më ke thirr asnjëherë.
Prokurori: Çdo gjë me shkrim zotëri.As nuk mbyll e as nuk hap. Dole para derës së xhamisë dhe kaq po të flas. Dakord? Unë as nuk mbyll, as nuk hap.
Gazetarja: Si jeni mirë? Meqenëse përmendët gazetaren, s`e dhe unë po ju prisja, por duke qenë se nuk ishit në punë, më thanë se ishit në xhami.
Prokurori: Po, ka dashtë Zoti.
Gazetarja: E para, duhet të ishte thirrur dhe zotëria që ka qenë denoncuesi, ose hallexhiu?
Prokurori: Dëgjo mu,ti gazetare je?
Gazetarja: Gazetare jam.
Prokurori: Emrin të lutem?
Gazetarja: Arjana.
Prokurori: Arjana unë jam Bujari, gëzohem.
Gazetarja: Gjithashtu.
Prokurori: Ku punon?
Gazetarja: Në Ora Neës, në emisionin “Boom”
Prokurori: “Boom”, MashaAllah!
Prokurori: Çdo lloj kallëzimi, nga ka ardhur ky? Nga komisariati i policisë?
Gazetarja: I policisë Krujë, po.
Prokurori: Shumë mirë, ka rezultuar që nuk është vepër penale.
Gazetarja: Si ka rezultuar?
Prokurori: Sipas kësaj që është.
Gazetarja: Domethënë u pyetën palët?Po, e lexova, e kam lexuar po është pak e paqartë prandaj po vijmë dhe po ju pyesim ju.
Zotëria u thirr, sepse ky ishte denoncuesi dhe besoj që dëshmia e tij ka pas shumë rëndësi.Pse nuk u thirr zotëria, e para?
Prokurori: Sepse nuk diktohet a do të thirret doemos. Kur është çështja lehtësisht e zgjidhshme …
Gazetarja: Po kjo është shumë e komplikuar realisht si çështje.
Prokurori: Ti a më ke ardhur mua ndonjëherë more zotëri? Mirë unë nuk të kam thirrur more zotëri, ti a më ke pa?
Gazetarja: Po, të ka ardhur.
Denoncuesi: Të kam ardhur katër herë.
Prokurori: Me më pa mu?
Denoncuesi: Dhe nuk të kam parë, as të kam takuar.
Gazetarja: Po se ka lejuar njeri more zotëri.
Prokurori: A më ke pa mua? Edhe njëherë, edhe njëherë të lutem. Mos abuzo, se je në derë të xhamisë.
Prokurori: Mua më ke ardh, a më ke pa ndonjëherë me sy, mu si person.
Denoncuesi: Vetëm sot po të shoh.
Gazetarja: Po jo se s`të ka kërkuar,të ka kërkuar.
Prokurori: Më ka kërkuar, edhe njëherë.
Gazetarja: Po ja dhe sot erdhëm të kërkuam nuk të gjetëm, të kërkuam deri këtu.
Prokurori: Oj zonjë jam në punë unë.
Gazetarja: Po mirë je në punë, dakord, në rregull.
Prokurori: 5 minuta u shkëputa, ça problemi ka tani?
Gazetarja: Po, nuk ka problem, prandaj po të them që ne të kemi kërkuar dhe po të kërkojmë përsëri. Thjesht jemi të zbardhet e vërteta,por këtu ka ngelur e pazbardhur totalisht. Thjesht është mbyllur edhe as nuk është bërë ndonjë përpjekje për tu zbardhur.
Prokurori: KEMI AQ SHUMË PROBLEME ME TË GJALLËT , kena shumë probleme si Shqipëri edhe ju keni më shumë probleme me të gjallët, SESA TË MERREMI ME TË VDEKURIT! Pa i anashkalu këta.
Gazetarja: Po si, domethënë kemi shumë probleme me të gjallët dhe nuk do merremi dot me të vdekurit, thoni ju?
Prokurori: Jo, po është më mirë. Është më cilësore.
