Aktualitet

Lobimi rus në PD/ Rama: Në dijeni një grusht njerëzish. Mos u ngusni, ka akoma



Bëhu pjesë e Grupit Zyrtar të Opinion.al
>> KËTU <<
               Publikuar në : 18:30 - 03/10/22 |
Opi Nion

Kryeministri Edi Rama ka mbajtur fjalën e tij në Kuvend dhe ka folur për lobimin rus në PD.

Rama tha se paratë kanë hyrë në Partinë Demokratike me dijeninë e plotë të disa njerëzve ndersa shtoi se ka më shumë se kaq.

“Për sa kohë, ju do keni njerëz të cilët besojnë cdo gjë dhe të kundërtën e cdo gjëje, jeni në të drejtën tuaj të ushqeni iluzionin se mund të talleni me të gjithë por sic nuk ju ka ecur asnjëherë,sërish nuk do ju ecë kjo tallje me të gjithë sepse do të bënte sens gjithë kjo vijë logjike nëse nuk do të kishit qenë po ju që në atë kohë kur kjo cështje u bë publike nuk do të kishit bërë betime e përbetime për virgjërinë e Lulit. Nëse nuk do të kishte qenë non grata juaj që nuk do të kishte dalë me carcafin e bardhë me asnjë njollë për të predikuar pastërtinë e virgjereshës që mbanit në krye. Nëse nuk do akuzonit Sorosin për fakte që sot medemek kërkoni t’i nxirrni nga kthetrat që i paskam kycur unë për llogari të atij që ju hodhi përtokë në momenti që s’ju duhej më.

Që PD është financuar me para ruse, dihet. I dalë në atë kohë, i mohuar kategorisith nga ju. Atëherë fjalimi juaj ishte komplet tjetër dhe garancia absolute vinte gjithmonë nga ai që thoshte “Mos ma prekni Lulin”. Ishte ai që ka rrëmbyer flamurin e Haxhi Qamilit dhe është nisur për luftë me Amerikën. Kështu që do thoja vetëm kaq, jo vetëm që ato para kanë hyrë me dijeninë e plotë të një grushti njerëzish, por ka më shumë se aq. Do ju sugjeroja të mos hezitoni me deklarata që mund t’ju bien prap ndesh e detyroheni të merrni pozicion tjetër. Ju s’keni lidhje me asgjë nga ato që duhen thënë sot. Ky është një vend sovran që nuk do të dijë për asnjëri, por sidoqoftë këtë kam për borxh t’ua them. Mos u ngusni se ka akoma”, tha Rama.

 

Pas