Kreu i opozitës, Lulzim Basha ka reaguar pasi Kryeministri Rama paraqiti “paktin për universitetin” dhe vendimet e marra në mbledhjen e qeverisë për studentet. Basha tha se pakti i prezantuar nga Kryeministri është një mashtrim dhe tregon panikun që ka kapur qeverinë. Ai bëri thirrje për anulimin e ligjit të arsimit të lartë për ti dhënë zgjidhje gjithë problematikave të krijuara në universitete.
Basha: “Viti qeveritar mbaroi ashtu siç nisi, me mashtrime dhe me premtime të pambajtura. Pas panikut total që e ka mbërthyer, Rama po përpiqet të mashtrojë studentët dhe publikun me të ashtuquajturin pakt për universitetin.
Ai nuk ka asnjë mundësi për të realizuar kërkesat e studentëve. Ato që ai ka thënë nuk zgjidhin asnjë nga problemet e ekonomike që kanë studentët dhe familjet e tyre. E vetmja mënyrë për të realizuar rinovimin e konvikteve, siç premtoi ai, është që të terminohet mandati i tij sa më parë.
Paketa është një mashtrim i plotë dhe një shenjë e panikut total që e ka kapur.
I parashtrova në kuvend rrugët e daljes nga ky kolaps ku gjendet arsimi. Anulimi i ligjit kuorruptiv për arsimin e lartë, që është zanafillë e të keqes dhe dyfishimi i buxhetit për arsimin e lartë”, shtoi Basha. “Kjo do të thotë 74 dollarë më shumë se sa janë planifikuar, që do të përdoren në dy drejtime. Së pari për subvencionim të tarifave për studentët familjet të të cilëve nuk kanë mundësi të paguajnë për fëmijët e tyre”.
*Konferenca Live
