Lulzim Basha: Në atë Kuvend është banda e krimit që ka marrë peng Shqipërinë. Aty kalojnë ligje anti kushtetuese duke vjedhur miliona lekë. Por tani pushteti i takon popullit. Ne të gjithë bashkë kishim njoftuar protestën ditën e enjte, ditën kur duhej të mbahej në atë sallë mbledhja e orëve të fundit. Në mënyrë ilegale ata ndryshuan orarin. Unë e di se kurrë më parë nuk është mbledhur një numër kaq i madh qytetarësh brenda një kohe të shkurte. Fundi ka ardhur, nuk do ketë më qeveri që i ka shpallur luftë demokracisë e kushtetues me banditë të veshur me pushtet. Ne jemi sot këtu me një mesazh të qartë, Edi Rama ti që i ke hequr bukën e gojës shqiptarëve nuk ke për ta marrë dot parlamentin me rrota e ta zhvendosësh sa andej sa këtej.
Monika Kryemadhi: Ai parlament është turp i shqiptarëve, ashtu siç ishin kanë qenë vendimet më të turpshme që herë pas herë ka pasur në historinë e Shqipërisë dhe i kanë kushtuar për lirinë dhe demokracinë e saj. Sot i drejtohem atyre socialistëve të ndershëm, që janë pa punë dhe u kanë falimentuar bizneset, që u janë larguar fëmijët, për të gjitha ato nëna dhe baballarët, për të gjitha ata që shqiptarë që nuk kanë mundësi të shkollojnë fëmijët e tyre. Prezenca jonë nuk është vetëm për sot do të jetë për çdo ditë. Ata sot treguan dhe njëherë që nuk përfaqësojnë popullin. Sot treguan dhe njëherë që është parlamenti që punon për 5 veta. Ai parlament tregoi që në thelbin e zemrës së tyre nuk ekziston respekti për qytetarët, por dashuria për Vangjushin dhe kriminelët e tjerë. Fenomeni i Edi Ramës është një fenomen që nuk duhet të jetë në sytë e shqiptarëve. Një parlament që shkatërroi të ardhmen e shqiptarëve që nxori jashtë vendit 400 mijë qytetarët dhe pasuroi vetëm 5 njerëz.
Fatmir Mediu: Ne duhet të qëndrojmë fort. Zëri ynë duhet të dëgjohet në çdo skaj të Shqipërisë. Ne këtu si shqiptarë nuk kërkojmë as më shumë dhe as më pak por të drejtën tonë për të votuar, për të luftuar krimin dhe korrupsioni, të drejtën për të respektuar Kushtetutën. Duhet të angazhohemi për t’i dhënë fund një pushteti të krimit dhe korrupsionit. Ne nuk kemi zgjidhje tjetër. Ne nuk duhet të largohemi nga Shqipëria. Nga Shqipëria duhet të largohen ata. Se lirinë, të drejtën na i ka fal Zoti dhe nuk mund të na i marrë as Edi Rama dhe as deputetët e tij. Prandaj pavarësisht nga loja që bën sot pushteti, ne duhet t’i nxjerrim nga skutat. Ne nuk mund të pranojmë që Shqipëria të kthehet në Venezuelë, nuk mund të pranojmë që Shqipëria të kthehet në Kolumbi. Ne kemi një qëllim, qëllimi ynë është Europa.
“Blindohet” Parlamenti
Pak përpara nisjes së seanca plenare forca të shumta policie kanë rrethuar Parlamentin. Vendimi i mazhorancës u pa nga Partia Demokratike dhe aleatët e saj, si lëvizje taktike për të shmangur protestën dhe tregues frike, por numri dy i socialistëve sqaroi se mbledhja e Parlamentit nuk kishte lidhje me aksionin opozitar.
Vendimi i mazhorancës vuri në lëvizje menjëherë opozitarët, të cilët njoftuan në bllok strukturat për ndryshimin e planit dhe organizimin e shpejtë të një proteste para Parlamentit.
Në rendin e ditës të Parlamentit parashikohet ngritja e dy strukturave të reja të drejtësisë, për të cilat mazhoranca thotë se opozita iu druhet./ Opinioni.al
