I njëjti skenar njësoj si në dy protestat e kaluara po ndodh para Kuvendit. Deputetët demokratë të përjashtuar nga parlamenti po debatojnë me Gardën dhe po kërkojnë të hyjnë brenda.
“Të të vij turp, t’i the ka mbaruar Mbledhja e Byrosë. Turq që gënjeni. Turp t’ju vijë. Nuk jeni Gardë por bashibuzukë. Më kape me dorë ti, ca jam unë, kush je ti që do na fusësh një nga një. Nuk të bën përshtypje ty që nuk del asnjë nga Kuvendi se nuk ua mban?! Jeni te Aktivisti. Të lutem shumë, hape derën, se nuk kam qejf të më prekë me dorë. Mos më prek! Kë shtynë?!”, dëgjohet të thotë Spaho.
Ndërkaq deputetja Albana Vokshi i drejtohet gardës duke thënë: Hapeni rrugën, duhet të jemi brenda Kuvendit.
Kujtojmë se 6 deputetë demokratë u pezulluan nga sencat plenare në mbledhjen e Komisionit të Etikës ditën e martë.
Edmond Spaho, Elda Hoti, Sorina Koti, Oerd Bylykbashi, Lindita Metaliaj dhe Greta Bardeli u përjashtuan nga seancat plenare të Kuvendit për shkelje të etikës dhe bllokimin e foltores së Kuvendit.
